UPDATE|UTILITY VEHICLE, AKSIDENTENG NABANGGA NG MOTOR

Banga – Nauwi sa areglo ang aksidenteng nangyari sa isang utility vehicle at motorsiklo bandang alas 2:45 kahapon ng hapon sa Linabuan Sur, Banga.

Kaugnay nito, nabatid sa imbestigasyon na galing sa direksyon ng Kalibo at papuntang Mataphao, New Washington ang sasakyang minamaneho ni Jonel Manican, 40 anyos ng Unat, Ibajay, habang galing Banga papuntang Kalibo ang motorsiklo na minamaneho naman ni Gabriel Rebustes, 20 anyos ng Bacan, Banga, nang bigla umanong lumiko pakaliwa ang sasakyan rason na aksidente itong nabangga ng motorsiklo.

May kabilisan din umano kasi ang pagpapatakbo ng motorsiklo kung kaya’t nawalan ito ng kontrol sa pagmamaneho.

Resulta, basag ang salamin ng hulihang bahagi ng sasakyan, habang napinsala rin ang unahang bahagi ng motorsiklo.

Mapalad namang walang nasugatan sa dalawang motorista na kapwa rin nagkaayos natapos ang insidente.