Vendor, sugatan sa aksidente

Sugatan sa aksidente sa motorsiklo ang isang vendor alas 5:50 kahapon sa Mantiguib, Makato.

Nakilala ang biktimang si Roy Saturnino, 25 anyos na tubong Poblacion, New Washington, at kasalukuyang residente ng Libang, Makato.

Base sa imbestigasyon ng Makato PNP, galing sa New Washington at pauwi sana sa Libang ang biktima nang mawalan ng kontrol sa pagmamaneho.

Resulta, nagtamo ng sugat sa ulo at iba’t-ibang parte ng katawan ang biktima na kaagad dinala sa provincial hospital.