VP Robredo nagbahagi ng tulong sa mga magsasaka sa Panit-an, Capiz

Namahagi ng tulong sa mga magsasakang kasapi ng Panitan Integrated Farmers’ Federation si Vice President Leni Robredo sa kanyang pagbisita ngayong araw sa Panit-an, Capiz.

Sa tulong ng pamahalaang lokal, gagamitin ang ibinigay na assistance bilang pambili ng Four-Wheel Drive Tractor, Combine Rice Harvester at Rice Trans-planter.

Inaasahang makakatulong ang farm inputs na ito sa pagpapabilis at pagpapadali ng kanilang paraan ng pagsasaka.

Nabatid na una nang bumisita si Vice President Robredo sa Iloilo para sa pagpupulong ng iba-ibang sektor sa ilalim ng Ahon Laylayan Koalisyon.