Wanted sa kasong attempted homicide, arestado

Arestado ang isang wanted person sa kasong attempted homicide nitong Lunes sa bayan ng Kalibo.

Nakilala ang naarestong si Jome Sueta alyas “Jomar” Sueta, 27 anyos, tubong San Roque, Nueva Valencia, Guimaras at residente ng Brgy. Backaw, Kalibo.

Nahuli ang akusado sa bisa ng warrant of arrest sa kasong Attempted Homicide na pirmado ni Hon. Alecia A. Cruz-Barrios, Presiding Judge ng Municipal Trial Court, Sixth Judicial Region, Kalibo, Aklan nito lang Hulyo 19, 2023.

Salaysay ng akusado sa Radyo Todo, nadamay lang umano siya sa kaso.

Una na raw siyang nakapaglagak ng P6000 na piyansa noon pero hindi na siya naka-attend sa mga hearing ng kaso.