WANTED SA KASONG CHILD ABUSE ARESTADO

Boracay Malay – Inaresto ng Malay PNP sa Isla ng Boracay ang akusado sa kasong Child Abuse kahapon ng hapon sa Sitio Hagdan Yapak, Boracay.

Nakilala ang akusado na si Anclito Vargas, 35 anyos, isang construction worker at residente ng nasabing lugar..

Inaresto ang akusado sa bisa ng warrant of arrest na nilagdaan ni Hon. Bienvenido P. Barrios Jr., presiding Judge of Regional Trial Court 6th judicial region Branch 3, Kalibo, Aklan na may petsang July 28, 2020.

P80,000 ang pyansang inirekomenda ng korte para sa kanyang pansamantalang kalayaan.

Sa ngayon ay pansamantalang nasa kustodiya ng Malay PNP ang akusado at nakatakdang i-turn over sa korte.