WANTED SA KASONG PAGLABAG SA RA 9262, ARESTADO

Banga – Arestado pasado alas 9:00 kagabi sa Mambog, Banga ang isang lalaking wanted sa kasong paglabag sa RA 9262 o Anti-Violence Against Women and their Children.

Nakilala ang akusadong si Melanio Motus, 37 anyos ng nasabing lugar.

Isinilbi sa kanya ng Banga PNP ang Warrant of Arrest na nilagdaan at ibinaba ni Hon. Bienvenido P. Barrios Jr., Presiding Judge, Branch 3, Kalibo nito lamang nakaraang November 9, 2020.

Kasunod nito, pansamantala siyang ikinustodiya ng Banga PNP Station para sa karampatang disposisyon, subalit pansamantalang makakalaya kapag makapagpyansa ng P36,000.00 na inirekomenda ng korte.