WANTED SA KASONG PAGNANAKAW, ARESTADO

Inaresto ng mga kapulisan ang isang wanted person sa kasong pagnanakaw dakong alas-10:15 ng umaga kahapon sa kanilang bahay sa Acevedo St., Kalibo.

Kinilala ang suspek na si Dennis Baldonadao Vilanueva, 29 anyos, residente ng nasabing lugar.

Si Villanueava ay inaresto sa bisa ng warrant of arrest na inisyu ni Hon. Wilfredo Paciente Jr., Presiding Judge ng 4th Municipal Trial Court ng Makato at Tangalan na may criminal case no. 1537-M.

Itinakda ng korte ang piyansang P6000 para sa kanyang pansamantalang kalayaan. Ikinustudiya na ang suspek sa Kalibo PNP at nakatakda nang iturn-over sa korte.+2