WANTED SA KASONG ROBBERY, ARESTADO

Nahulog sa kamay ng mg otoridad ang isang wanted person na may kasong robbery kahapon alas 6:30 ng hapon sa So. Agcawayan Brgy. Alimono, Passi City.

Nakilala ang akusado na si Eric Santiago, 26 anyos, walang asawa, nagtatrabaho sa “sakada”, tubong Brgy. Ochando, New Washington at presenteng naninirahan sa Brgy. Talon, Altavas.

Inaresto si Santiago ng pinagsamang pwersa ng Aklan Trackers Team at New Washington PNP sa bisa ng warrant of arrest na pinalabas ni Hon. Ronald Exmundo, Judge RTC 6, Branch 4, Kalibo, Aklan nga may petsang Oct. 14, 2019.

P48,000 ang itinakdang pyansa ng korte para sa kanyang pansamantalang kalayaan.