WANTED SA KASONG ROBBERY, ARESTADO

Makato – Nahulog sa kamay ng mga otoridad ang isang wanted person sa kasong robbery alas 8:40 kagabi sa Pob. Makato.

Inaresto ng Makato PNP sa pangunguna ni PLt. Dax Santillan, OIC Makato MPS ang akusadong si Jerome Lagumbay, 18 anyos at residente ng Pob. Makato.

Ito ay sa pamamagitan ng isinilbing warrant of arrest na inilabas ni Hon. Bienvinido Barrios, Jr., Presiding Judge, RTC, 6th Judicial Region Branch 3 na may petsang October 16, 2020.

P72,000 naman ang itinakdang pyansa ng korte para sa kanyang pansamantalang kalayaan.

Nasa kustodiya ngayon ng Makato MPS ang akusado at nakatakdang iharap sa korte ngayong araw.