WANTED SA KASONG SERIOUS PHYSICAL INJURIES, ARESTADO

Numancia, Aklan – Timbog ang isang lalaking may kasong Serious Physical Injuries sa ikinasang operasyon ng Numancia police.

Ang akusado ay nakilalang si Sanny Bert Ronase Periera, 40 anyos at residente ng Brgy. Mobo, Kalibo.

Inaresto si Periera dakong alas-6 kagabi sa kanyang bahay sa pamamagitan ng warrant of arrest na ibinaba ni Presiding Judge Joan Marie Bargas-Betita, Presiding Judge 6th Judicial Region 3rd Municipal Circuit Trial Court Malinao-Lezo na may petsang September 10, 2019.

P18, 000.00 ang itinalagang pyansa ng korte para sa kanyang pansamantalang kalayaan.

Si Periera ay nakatakdang i-turn over ngayong araw sa korte para sa kaukulang disposisyon.