CEBU PACIFIC, LILIMITAHAN NA ANG BAGGAGE SIZE; MANININGIL NG DAGDAG BAYAD PARA SA OVERSIZED BAGS

Inanunsyo kahapon, Lunes, ng Cebu Pacific na lilimitahan na ang taas ng mga bagahe ng mga pasahero sa 39 inches.

Sinabi ng Cebu Pacific na ang mga bagahe na lalagpas sa 39 inches ay ituturing nang oversized at ang pasahero ay magbabayad ng Php800 para sa domestic flights at Php1300 para sa international flights.

Ang paglilimita sa laki ng bagahe ay makatutulong na siguruhing ang mga bagahe ay magkakasya sa conveyor belt.  Magreresulta umano ito sa mas mabilis at maalwan na biyahe.

Ilan sa mga ibinigay na halimbawa ng mga oversized baggage ay ang mga musical at sports equipment, mga motorsiklo, at telebisyon.