Gasolina may bawas-presyo simula Martes

Magkakaroon ng bawas-presyo ng gasolina ngayong Martes, Hulyo 21 ayon sa anunsiyo ng ilang kompanya ng langis.

P0.10 ang rollback sa presyo ng kada litro ng gasolina sa Shell, Petro Gazz, Seaoil at Cleanfuel.

Samantala, wala namang pagbabago sa presyo ng diesel.

Aasahang tataas naman ng P0.15 ang kada litro ng kerosene ayon sa Shell at Cleanfuel.

Epektibo alas 6:00 ng umaga ng Martes (Hulyo 21) ang mga bagong presyo ng kumpanyang Shell, Petro Gazz, at Seaoil.