MGA PRODUKTONG PETROLYO MAY ROLLBACK SA SUSUNOD NA LINGGO

Isang good news ang sasalubong sa mga motorista sa susunod na linggo dahil magpapatupad ng bahagyang bawas sa presyo ng mga produktong petrolyo ang mga kumpanya ng langis.

Ayon sa mga industry player, humupa rin kasi ang presyo ng petrolyo sa world market sa nagdaang linggo bukod pa sa magandang performance ng Piso kontra Dolyar.

Maglalaro mula P0.30 hanggang P0.40 kada litro ang tapyas sa presyo ng gasoline, P0.15 naman bawat litro ang bawas sa halaga ng diesel.

Bababa rin ng mula P0.20 ang kerosene o gaas hanggang P0.30 kada litro.

Samantala sa Martes ng umaga inaasahan ang paggalaw sa presyo ng nasabing mga petroleum products.