1 KRITIKAL, 1 SUGATAN MATAPOS MAKURYENTE HABANG NAGTATAYO NG POSTE SA PANAY, CAPIZ

Kritikal ang isang 37-anyos na lalaki matapos makuryente habang nagtatayo ng poste ng isang internet service provider sa Sitio Dulunan, Brgy. Bato, Panay, Capiz.

Batay sa inisyal na report ng Panay PNP, kinilala ang kritikal na biktima na si Roger Oliveros, driver at operator ng boom truck at tubong La Castellana, Negros Occidental.

Kinilala naman ang isa pang sugatan na si Toto, 18-anyos na lalaki na helper at residente ng Brgy. Anhawon bayan ng Panay.

Nabatid na nasabit ang itatayo sana nilang poste sa kuryente ng CAPELCO. Dahil rito, nagpatid ang live wire at tumama sa biktimang si Roger.

Nakuryente rin si Toto na siyang umaalalay kay Oliveros sa pag-ooperate ng boom truck.

Isinugod ang dalawa sa isang pribadong ospital sa Syudad ng Roxas para sa kaukulang paggamot.