12-anyos na lalaki patay matapos masagasaan ng truck

Patay ang isang 12-anyos na lalaki matapos masagasaan ng truck Linggo ng hapon sa highway sa Loctugan, Roxas City malapit sa eskwelahan.

Nabatid na isang Isuzu NHR Truck ang nakasagasa sa biktima na menamaneho ni Rumolo Balada, 29-anyos ng Brgy. San Esteban Pilar, Capiz matapos na bigla nalang umanong tumawid ang biktima.

Sa tindi ng pagkakabangga, nayupi ang harapan ng truck habang nagtamo ng malubhang sugat sa ulo ang menor de edad na minabuting huwag ng pangalanan.

Agad na isinugod sa pribadong ospital ang bata para maggamot pero nalugatan rin ito ng hininga maghahating gabi.

Nasa kostudiya ngayon ng Roxas City PNP Station ang driver suspek para sa kaukulang disposisyon.