19-ANYOS NA BABAE, NAGBIGTI-PATAY SA ROXAS CITY

Patay ang isang 19-anyos na babae matapos magbigti sa Green Earth Subdivision, Barangay Mongpong, Roxas City.

Napag-alaman na kaka-birthday lang kamakailan ng 19-anyos na dalaga.

Batay sa inisyal na report, umuwi ang mga magulang nito mula sa trabaho nang nagtaka sila matapos hindi sumasagot ang biktima para buksan ang pinto ng kanilang bahay.Sapilitang pumasok ang mag-asawa at binuksan ang ilaw ng bahay.

Laking gulat ng mga ito na nakabigti na sa loob ng bahay ang kanilang anak.Agad na inalis ng ama sa pagkakabigti ang dalaga subalit huli na ang lahat dahil wala nang buhay ang dalaga.

Hindi pa matukoy kung ano ang sanhi ng pagpapakamatay ng babae.

Nag-iimbestiga narin ang kapulisan sa insidente.