2 LALAKI ARESTADO DAHIL SA PAGPAPATAYA NG STL BOOKIES SA PANITAN, CAPIZ

Arestado ang dalawang lalaki sa Brgy. Poblacion Ilaya, Panitan, Capiz dahil sa pagpapataya ng STL Bookies.

Kinilala ang mga suspek na sina Venancio Daniel Jr., 50-anyos, residente ng nasabing lugar, at Noe Daliva, 57, residente ng Brgy. Cadio sa nasabing bayan.

Inaresto ng kapulisan ang mga suspek matapos maaktuhang nagpapataya ng illegal number games na STL Bookies sa scheme na Pick 2 mula sa isang pulis na nagpanggap bilang mananaya.

Narekober mula sa mga suspek ang ilang pad ng unofficial STL cotejo; taya na nasa Php650; at ilang kagamitan sa pagpapataya. Kinumpiska rin ng kapulisan ang motorsiklo na gamit ni Daliva.

Dinala sa CIDG Capiz ang mga suspek para sa kaukulang disposisyon. Mahaharap ang mga ito sa kasong paglabag sa Presidential Decree 1602 ang nasabing suspek.

Ang operasyon ay ikinasa ng PIU Capiz PPO na pinamumunuan nina PMAJ FRANCISCO D PAGUIA at PLT MERRY CHRIST M DELA CRUZ, CIDG Capiz PFU (LEAD UNIT) na pinamumunuan ni PMAJ ARTHEMIUS DEVARAS at ng Panitan MPS.