2 LALAKI ARESTADO SA PAGSASABONG; ISANG SUSPEK NAKUHANAN NG BARIL, MGA BALA

Arestado ang dalawang lalaki dahil sa iligal na pagsasabong sa Sitio Balogo, Brgy. Dulangan, Pilar, Capiz nitong umaga ng Lunes. Isa sa kanila ay nahulihan pa ng baril at mga bala.

Kinilala ang mga suspek na sina Danilo Dalida, 53, residente ng Brgy. Botongon, Estancia, Iloilo at Enriqui Denosta, 49, residente of Brgy. Dulangan, Pilar.

Narekober ng operatiba sa mga suspek ang apat na buhay na manok, Php4,630 na taya, limang gaff, dalawang bayong, at dalawang carton.

Nahulihan rin ng isang unit ng cal. 45 pistol, 3 pcs magazine at 19 live ammunition ang suspek na si Denosta.

Mahaharap ang dalawa sa kasong paglabag sa Presidential Decree 1602 at karagdagang kaso ng paglabag sa Republic Act 10591 si Denosta.

Ang operasyon ay ikinasa ng pinagsamang mga tauhan ng Pilar MPS sa Pangunguna ni PCapt. Rene Hare at ng 2nd MP, 1st Capiz PMFC.

Nasa kostudiya ngayon ng Pilar PNP ang mga suspek at ang mga narekober na ebidensiya.#