2 lalaki patay matapos maaksidente sa motorsiklo at apakan ng wing van

Patay ang dalawang lalaki matapos madisgrasya sa kanilang sinasakyang motorsiklo at apakan ng wing van sa Brgy. Atiplo, Mambusao, Capiz.

Ayon sa report ng Mambusao PNP, kinilala ang isang biktima na si Aldren Delmendo habang inaalam pa ang pagkakakilalan ng kasama nito.

Batay sa paunang imbestigasyon ng kapulisan, binabaybay ng dalawa ang kalsadahin sakay ng motorsiklo patungo sanang Brgy. Tugas sa nasabing bayan nang maganap ang aksidente.

Nag-overtake umano ang dalawa sa isang closed van dahilan para mag-overshoot ang kanilang motorsiklo sa kalsada at sila ay tumilapon at pumailalim sa wing van.

Isinugod pa sa Mambusao District Hospital ang dalawa pero hindi na umabot ang mga ito ng buhay.

Naganap ang aksidente dakong alas-5:20 ng hapon araw ng Sabado.