2 LALAKI SUGATAN SA AKSIDENTE SA PANITAN, CAPIZ

Sugatan ang dalawang lalaki matapos masangkot sa aksidente ang kanilang menamanehong mga motorsiklo sa Brgy. Cadio, Panitan, Capiz.

Kinilala ang biktima na si Niel Flotilders, 21-anyos, isang merchandiser sa isang mall, residente ng Brgy. Ambilay, Panitan, Capiz.

Kinilala naman ang driver suspect na si Fernando Dogelio, 22, isang laborer, residente ng Brgy. Cadio.

Naganap ang aksidente umaga ng Martes habang papasok ng trabaho ang biktima sa Roxas City.

Nabatid na mabilis ang patakbo ng suspek hanggang sa nawalan ito ng kontrol sa kanyang menamanehong motorsiklo at nasagi nito ang biktima mula sa kabilang direksyon.

Dahil sa aksidente parehong natumba sa kalsada ang dalawa. Nagtamo ng sugat sa iba-ibang bahagi ng katawan ang biktima at ang suspek.

Dinala sa magkahiwalay na ospital sa Roxas City ang dalawa para sa kaukulang medikasyon habang iniimbestigahan naman ng Panitan PNP ang aksidente.