2 truck nagbanggaan sa Mambusao, Capiz; mga driver sugatan

Sugatan ang parehong driver ng isang Isuzu aluminum wing van truck at isang Isuze elf dump truck matapos magbanggan sa Sitio Ilo, Brgy. Bula, Mambusao, Capiz.

Kinilala ang biktima na si Marlon Dominguez Birol, 25-anyos, residente ng Balete, Aklan, habang kinilala naman ang suspek na si Gerald Maximo Degala, 47, residente ng Roxas City, mga driver ng mga nasabing truck.

Ayon sa report ng Mambusao PNP, nag-overshot ang wing van truck dahil sa madulas na kalsada at bumangga sa kasalubong na dump truck.

Naganap ang insidente dakong alas-4:10 ng hapon nitong Biyernes.

Photos: BFP Mambusao