20-anyos na lalaki arestado sa kasong Qualified Theft sa Pontevedra, Capiz

Arestado ang isang 20-anyos na lalaki sa Brgy. Ilawod, Pontevedra, Capiz sa kasong Qualified Theft.

Kinilala ang akusado na si Belton James Besa, 20, residente ng Brgy. Bailan sa parehong bayan.

Ang operasyon ay ikinasa ng mga tauhan ng Pontevedra PNP at ng Provincial Highway Patrol Team Capiz nitong Biyernes ng gabi sa bisa ng warrant of arrest.

Ang warrant ng akusado ay ibinaba ni Presiding Judge Lorencito Belo Diaz ng Regional Trial Court 6th Judicial Region, Branch 17 dito sa Roxas City nito lang Agosto 2.

Php40,000 ang itinakdang pyansa ng korte para sa pansamantala nitong paglaya.

Nasa kostudiya ngayon ng Pontevedra PNP ang akusado para sa kaukulang disposisyon.