21 anyos na lalaki arestado sa kasong Frustrated Homecide sa Dumarao, Capiz

Arestado ang isang 21-anyos na lalaki sa Brgy. San Juan. Dumarao, Capiz dahil sa kasong Frustrated Homecide.

Kinilala ang akusado na si Kim Alarte, alyas Inday, residente ng nasabing lugar.

Siya ay inaresto ng mga tauhan ng Dumarao PNP at 2nd Capiz Provincial Mobile Force Company Miyerkoles ng madaling araw sa bisa ng warrant of arrest.

Ang warrant ay ibinaba at nilagdaan ni Kristine Tiangco-Vinculado, Regional Trial Court 6th Judicial Region, Branch 16, Hall of Justice dito sa Roxas City nito lang Abril 26.

Php72,000 ang itinakdang pyansa ng korte para sa kaniyang pansamantalang paglaya.

Pansamantalang ikinulong ang akusado sa Dumarao PNP Station para sa kaukulang disposisyon.