23 anyos na lalaki tiklo iligal na pagbebenta ng baril

Tiklo ang isang 23-anyos na lalaki sa iligal na pagbebenta ng baril sa Brgy. San Antonio, Pilar, Capiz hapon ng Huwebes.

Kinilala ang suspek na si JC Boy y Barrio, residente ng nasabing lugar.

Ang operasyon ay ikinasa ng CIDG Iloilo PFU (lead unit), Pilar MPS Capiz PPO at 606 coy RMFB6, (support units).

Narekober ng operatiba ang isang M1 Garand na baril, buy bust money at 22 piraso ng live ammunition ng nasabing baril; at limang ammunition clip.

Ang suspek ay nasa kostudiya na ng CIDG Iloilo PFU para sa kaukulang disposisyon. Nakatakdang itong sampahan ng kasong paglabag sa Republic Act 10591.