29 ANYOS NA LALAKI ARESTADO SA DUMALAG, CAPIZ SA KASONG RECKLESS IMPRUDENCE RESULTING IN DOUBLE HOMECIDE

Arestado ang isang 29-anyos na lalaki sa Brgy. Poblacion, Dumalag, Capiz umaga nitong Lunes sa kasong Reckless Imprudence Resulting in Double Homecide.

Kinilala sa report ng Dumalag PNP ang akusado na si Conradelf Coroz, residente ng Ungka 2, Pavia, Iloilo.

Ang suspek ay inaresto ng mga tauhan ng Dumalag PNP sa pangunguna ni PCapt. Leomindo Tayopon, hepe, sa bisa ng Order of Arrest.

Ang order ay ibinaba ni Sebastino Baguio, presiding judge, Municipal Circuit Trial Court, 6th Judicial Region, Branch 006 Dumalag-Tapaz, sa Dumalag, Capiz nito lang ding Lunes.

Php60,000 ang piyansang itinakda ng korte para sa pansamantalang paglaya ng akusado.

Temporaryo siyang ikinulong sa Dumalag PNP Station para sa kaukulang disposisyon.