3 kaso ng Delta variant ng COVID-19 at isang kaso ng P.3 variant, naitala sa probinsya ng Capiz

Inanunsyo ng Capiz Provincial Health Office ang narecord nilang tatlong local confirmed cases na Delta variant ng CoViD-19 at isang P.3 variant.

Base ito sa resulta ng Whole Genome Sequencing ng UP-Phil. Genome Center.

Ang tatlong local cases ng Delta variant ng CoViD-19 ay ang:

1. 25 anyos na babae na residente ng Jamindan Capiz. Wala itong travel history sa labas ng probinsya at naka-rekober na.

2. 65 anyos na babae na residente ng Roxas City. Wala rin itong travel history sa labas ng probinsya pero namatay.

3. 59 anyos na babae na residente din ng Roxas City.

Samantala, isang 36 anyos naman na babae na residente ng Tapaz ang naitalang kinapitan ng P.3 variant pero nakarekober na.

Dahil dito, umaapela pa rin ang Capiz PHO na sundin ng publiko ang pinapatupad na mga minimum health protocols.