3 LALAKI ARESTADO MATAPOS MAG-MOTORNAP NG ISANG TRICYCLE SA PANITAN, CAPIZ

Arestado ang tatlong kalalakihang ito matapos magmotornap ng isang tricycle sa Brgy. Salocon, Panitan, Capiz.

Kinilala ang mga suspek na sina Norman Deli, 21-anyos; Ernie Belarmino, 25, parehong mga residente ng Brgy. Balatucan, Panitan, Capiz; at Andrewnhet Oropio, 43, residente ng Brgy. Pob. Elizalde Pres. Roxas, Capiz.

Kinilala naman ang biktima na si Joegemar Solmayor, 33, miyembro ng AFP, residente ng Brgy. Salocon, Panitan, Capiz.

Nabatid na ipinark lang ng biktima ang kaniyang tricycle malapit sa national highway noong nakaraang Sabado pero laking gulat nalang nito nang kinabukasan ay walan na ang tricycle roon.

Agad na inireport ng biktima ang insidente sa Panitan PNP Station. Kalaunan ay nakatanggap ng report ang kapulisan na may tricycle na ibinebenta sa Brgy. Culasi, Roxas City sa halagang Php10,000 lamang.

Agad nagsagawa ng follow-up investigation ang Panitan PNP kasama ang Roxas City Police Station, Capiz HPG at Capiz Maritime Group at doon ay naabutan nila ang mga suspek na ibinebenta ang nasabing tricycle.

Inaresto ng kapulisan ang tatlo at nakakulong ngayon sa Panitan PNP Station para sa kaukulang disposisyon.