31-anyos na lalaki arestado dahil sa pagpapataya ng STL “bookies”

Arestado ang isang 31-anyos na lalaki sa Brgy. Lawaan, Roxas City, Capiz matapos mahuling nagpapataya ng STL “bookies” nitong Miyerkoles ng umaga.

Kinilalala ang suspek na si Joseph Desano, residente ng Brgy. Bagocan, Candual, Panay, Capiz.

Narekober ng operatiba mula sa suspek ang isang bundle ng improvised cotejo, ballpen, at mga nakolekta nito sa pagpapataya na nagkakahalaga ng Php550.

Ang operasyon ay ikinasa ng pinagsamang mga tauhan ng CIDG, Capiz PFU (lead unit), Roxas CPS, at PIU, Capiz PPO (support unit).

Mahaharap sa kasong paglabag sa Presidential Decree 1602 as amended by Republic Act 9287 ang salarin.