4 katao arestado dahil sa iligal na pangingisda sa Roxas City

Arestado ang apat na kalalakihan dahil sa iligal na pangingisda sa karagatang sakop ng Roxas City, Capiz.

Kinilala ang mga naaresto na sina Orlado Nipomusino, 61, kapitan ng bangka, Edward Dison, 21, Renly Distua, 25, at Jeffrey Olarte, 30, mga residente ng Brgy. Libas sa lungsod na ito.

Ang mga ito ay hinuli ng mga tauhan ng Provincial Intelligence Unit (PIU) at ng Philippine Coast Guard nitong Sabado ng umaga.

Ayon kay PMaj. Francisco Paguia, team leader ng PIU, nahuli ang mga suspek na iligal na nangingisda sakay ang isang trawl boat.

Narekober ng mga otoridad ang ilang gamit sa pangingisda, 60 kilo ng iba-ibang isda na tinatayang nagkakahalaga ng Php40,000.

Ang mag suspek ay pinagbabayad ng multa batay sa City Ordinance No. 016-2007 ng Roxas City o Anti-illegal Fishing.