44-anyos na lalaki arestado matapos mahulihan ng baril sa Ivisan, Capiz

Arestado ang lalaking ito sa Brgy. Agmalobo, Ivisan, Capiz matapos mahulihan ng baril gabi ng Biyernes.

Kinilala ang suspek na si Jeogine Dasal Berjamin, may-asawa, residente ng Brgy. Cubugao sa nasabing bayan.

Narekober sa kaniya ng kapulisan ang Protector, Caliber .38 revolver, apat na live ammunition ng nasabing caliber at isang holster.

Ayon sa report ng Ivisan PNP, nagsasagawa ng mobile patrol sina PSMs Michael De La Rama and PSSg Gerundio Leysa sa municipal road sa Brgy. Agmalobo dakong alas-8:50 ng gabi nang mahuli nila ang suspek sakay ng tricycle.

Nailawan ng kanilang patrol car ang suspek at nakita ang baril na nakasukbit sa kanang baywang nito.

Pinara at kinumpiska ng kapulisan ang nasabing baril. Hinanapan ang suspek ng dokumento to possess and carry the said firearm outside his residence or workplace pero bigo itong maibigay sa mga otoridad.

Nakakulong ngayon sa Ivisan PNP Station ang supek at mahaharap sa kasong paglabag sa Republic Act 10591.