48 anyos na lalaki arestado sa kasong Frustrated Murder sa Sapian, Capiz

Arestado ang isang 48-anyos na lalaki sa kasong Frustrated Murder sa bayan ng Sapian, Capiz.

Kinilala sa report ng Sapian PNP ang akusado na si Manuel Opher Jr., residente ng nasabing lugar.

Siya ay inaresto ng kapulisan sa bisa ng warrant of arrest na binaba at nilagdaan ni Judith Orendain-Tonogbanua ng Branch 20 ng Regional Trial Court sa Mambusao, Capiz.

Php200,000 ang itinakdang pyansa ng korte para sa pansamantalang paglaya ng nasabing akusado.

Pansamantalang ikinulong ang suspek sa lock-up cell ng Sapian PNP Station para sa kaukulang disposisyon.