56-anyos na lalaki arestado sa 7 counts of Qualified Rape sa Roxas City

Timbog ang isang 56-angos na mister sa Sitio Landing, Brgy. Cabugao, Roxas City nitong Huwebes ng hapon sa kasong Qualified Rape.

Kinilala ang akusado na si Judy Escosio y Camporaso, isang laborer, residente ng naturang lugar.

Inaresto ng kapulisan ang lalaki sa bisa ng warrant of arrest sa 7 counts of Qualified Rape na inilabas at nilagdaan ni Faustino Valenzuela Roxas, JR., Presiding Judge, RTC, Branch 14, Roxas City nito lang Hulyo 6.

Ang operasyon ay ikinasa ng pinagsamang mga tauhan ng Roxas PNP, Capiz MARPSTA, 1st Capiz PMFC, AVSEGROUP, at RAPS ASU6.

Pansamantalang nakakulong sa Roxas City PNP Station ang akusado at nakatakdang dalhin sa kaukulang korte.