59-ANYOS NA MAGSASAKA PATAY MATAPOS MAKURYENTE SA DUMARAO, CAPIZ

Patay ang isang 59-anyos na magsasaka matapos itong makuryente sa Sitio Buay-buay, Brgy. Malonoy, Dumarao, Capiz.

Kinilala ang biktima na si Eduardo Facto Jr., residente ng nasabing lugar pero tubong Brgy. Mansilingan, Bacolod City.

Batay sa inisyal na report ng Dumarao PNP, papauwi na sana ang biktima mula sa kaniyang sakahan dakong alas-4:00 ng hapon nitong Huwebes nang masagi nito ang nakalaylay na wiring ng electric motor.

Nabatid na open wire ang nasabing kable dahilan para makuryente ang nasabing biktima.

Isinugod pa ito sa Rural Health Unit, pero dineklara ring dead on arrival ng doktor.