APAT KATAO ARESTADO DAHIL SA ILIGAL NA PAGSASABONG SA PANAY, CAPIZ

Timbog ang apat na mga kalalakihan matapos maaktuhan ng mga pulis na sangkot sa iligal na pagsasabong sa Sitoo Onse, Brgy. Bantigue, Panay, Capiz.

Kinilala ang mga naaresto na sina Ryan Martinez, 41-anyos, Jake Borbano, 21, mga residente ng Brgy. Bailan, Roy Bonita 43, ng Brgy. Malic at Mark Nicolas, 20, ng Brgy. Agbanog, lahat sa bayan ng Pontevedra.

Ayon sa report ng Panay PNP, may nagreport umano sa kanila na may iligal na sabong sa nasabing lugar rason para agad silang magsagawa ng operasyon.

Nasabat sa mga suspek ang tatlo na panabong na manok, isang patay na manok at Php16,540 na taya, at mga gambling paraphernalia.

Nakakakulong na ngayon sa Panay PNP Station ang mga suspek at nakatakdang sampahan ng kasong paglabag sa RA No. 1602 o “Prescribing Stiffer Penalties on Illegal Gambling.”