Babae nagwala sa lodging house matapos hindi naabutan roon ang karelasyon

Isang babae ang nireklamo ng caretaker ng isang lodging house sa Barangay 3, Roxas City matapos umanong magwala at manira ng kagamitan roon.

Batay sa reklamo ni Rachel Vergara, 38-anyos, kumakain sila ng kaniyang ina nang bigla nalang pumasok si Alyas Jane at hinahanap nito ang karelasyon na si James na nakatira sa nasabing lodging house.

Hindi umano nakita ni Alyas Jane si James, dahilan para magwala ito at sinira ang isang electric fan at pinagtatapon ang mga gamit ni James.

Nabatid na nakatira talaga sa nasabing lodging house si alyas James pero nagkataon na wala ito roon nang puntahan ng suspek.