Babae patay matapos mabangga ng sasakyan ang menamanehong motor sa Cuartero, Capiz

Patay ang isang 17-anyos na babae matapos mabangga ng isang sasakyan ang kaniyang menamanehong motorsiklo sa Brgy. Angub, Cuartero, Capiz.

Ang hindi na pinangalanan na biktima ay residente ng Brgy. Sta. Cruz, Dumalag pero temporaryong nakatira sa Brgy. Angub, Cuartero.

Ayon sa inisyal nga imbestigasyon ng Cuartero MPS, papaliko ang biktima nang siya ay mabangga ng isang Toyota Vios na menamaneho ni Abe Castronuevo Morales, 51-anyos at residente ng Brgy. Pob, Bingawan, Iloilo.

Nagtamo ng malubhang pinsala sa ulo ang biktima. Mabilis itong isinugod sa Dao District Hospital pero dineklara ring dead on arrival (DOA) ng doktor.

Nasa kostudiya ngayon ng Cuartero MPS ang suspek para sa kaukulang disposisyon.

(Not an actual photo/for presentation purpose only)