Bahay naabo sa sunog sa Tapaz, Capiz

Isang bahay sa Brgy. Cristina, Tapaz, Capiz ang naabo sa sunog umaga nitong Huwebes.

Ang bahay ay pagmamay-ari ni Rosie Gabuyog, 55-anyos, residente ng nasabing lugar.

Ayon sa imbestigasyon ng Tapaz Fire Station, nagsimula ang apoy sa main switch ng bahay.

Nabatid na naabutan nalang ng may-ari na nasusunog na ang kanilang bahay pagkauwi nito galing sa palayan dakong alas-10:00 ng umaga.

Napag-alaman na nasa balkunahe ng bahay ang anak nito nang makarinig ng pagputok bago ang sunog na tinatayang tumagal ng 50 minutos.

Sinubukan pa ng mag-ina na apulahin ang apoy pero mabilis itong kumalat at nasunog ang buong bahay na yari sa mix materials.

Tinatayang nasa Php60,000 ang pinsalang iniwan ng nasabing sunog.