Bahay sa Cuartero, Capiz nasunog

Totally burned ang isang bahay sa Sitio Bakahan, Brgy. Agcabugao, Cuartero, Capiz matapos masunog kaninang madaling araw.

Ang bahay na yari sa konkretong materyal ay pagmamay-ari ni Cerelyn Flores Carias ng nasabing lugar.

Ayon sa Cuartero BFP, nagsimula ang sunog dakong alas-3:30 ng umaga at tumagal hanggang 4:40 ng umaga.

Agad na rumesponde ang mga bombero para apulahin ang sunog matapos makatanggap ng tawag.

Inaalam pa ng mga otoridad ang pinagmulan ng sunog.

Wala namang naiulat na nasugatan sa insidente.