Bahay sa Ivisan, Capiz naabo sa sunog; isa pa bahagyang natupok

Naabo sa sunog ang isang bahay sa Brgy. Poblacion Norte, Ivisan, Capiz habang isa naman ang bahagyang natupok.

Ayon sa report ng Bureau of Fire Protection (BFP) – Ivisan ang naabong bahay ay pagmamay-ari ng mag-asawang Mikael at Lilibeth Aragon.

Pagmamay-ari naman ni Nenita Gallardo ang partially burned na bahay.

Nabatid na wala ang mag-asawa sa kanilang bahay nang maganap ang insidente.

Tinatayang Php200,000 ang pinsalang iniwan ng nasabing sunog.

Nagpapatuloy pa ang imbestigasyon ng mga bombero upang matukoy ang sanhi ng sunog.

Photo by Ivisan BFP