Bahay sa Pilar, Capiz naabo sa sunog

Isang bahay sa Sitio Agtalin Brgy. Dulangan, Pilar, Capiz ang naabo sa sunog hapon ng Biyernes.

Batay sa report, ang bahay  ay pagmamay-ari ni Jenalyn Delgado, 36-anyos.

Bahagya namang nasunog ang bahay ni Shena Mae Dili matapos madamay sa insidente.

Ayon sa inisyal na ulat, nag-iwan ng Php100,000 tinatayang halaga ng pinsala ang naturang sunog.

Tinutukoy pa ng mga tauhan ng Bureau of Fire ng Pilar ang sanhi ng sunog.