Barangay treasurer, hinold-up sa Dao, Capiz

Isang barangay treasurer sa Dao, Capiz ang hinold-up ng hindi pa nakikilalang mga suspek sa Brgy. Malonoy sa nasabing bayan.

Kinilala ang biktima na si Evelyn Das Estonina, 45-anyos, residente ng Brgy. Centro.

Batay sa inisyal na imbestigasyon, sakay ng motorsiklo ang biktima nang bigla nalang itong banggaan ng dalawang mga suspek sakay rin ng motorsiklo.

Nagtanong umano ang isang babaeng suspek sa biktima kung saan ang daan papuntang bayan ng Maayon saka lumapit ang lalaking suspek at tinutukan siya ng patalim sa kaniyang tagiliran.

Dito na nagdeclare ng hold-up ang mga suspek at kinuha ang bag ng biktima na may lamang nasa Php32,635 na pera at cellphone.

Mabilis na tumakas ang mga suspek kasunod ng insidente.

Patuloy ang imbestigasyon ng kapulisan sa insidente.