Capiz nakapagtala ng 67 panibagong kaso ng COVID-19; 2 patay

Nakapagtala ng 67 panibagong kaso ng COVID-19 ang probinsiya ng Capiz nitong Linggo, Agosto 29, batay sa report ng Capiz Provincial Health Office.

Dalawa sa bilang ng mga tinamaan ng sakit ang naitalang namatay.

Naitala naman ang 92 panibagong recoveries.

Sa kabuuan, 632 ang aktibong kaso, 5,785 ang bilang ng mga nakarekober, 340 ang bilang ng mga namatay. Ang kabuuang kaso ay 6,757.