Chainsaw operator arestado sa Sigma, Capiz sa kasong Acts of Lasciviousness

Arestado sa kasong Acts of Lasciviousness ang isang ang isang chainsaw operator sa Sitio Maestro Jose, Brgy. Oyong, Sigma hapon ng Biyernes.

Kinilala ang akusado sa report ng Sigma PNP na si Reverend Bantillo, 38-anyos, residente ng naturang lugar.

Ang suspek ay inaresto ng mga tauhan ng Sigma PNP sa pangunguna ni PCapt. Christian Mahomento, hepe, sa bisa ng warrant of arrest.

Ang warrant ay ibinaba ni Judge Joevy Valenzuela ng 5th Municipal Circuit Trial Court, Sigma-Sapian-Jamindan, 6th Judicial Region sa Sigma Capiz sa parehong araw, Hunyo 19.

Php12,000 ang itinakdang piyansa ng korte para sa kaniyang pansamantalang paglaya.

Ang suspek ay pansamantalang ikinulong sa Sigma PNP Station para sa kaukulang disposisyon.