Construction worker arestado sa kasong robbery

Arestado ang isang 21 anyos na lalaki sa Brgy. Lawaan, Roxas City, Capiz sa kasong robbery.

Kinilala ang akusado na si Jessie Bangcuyo alyas Putot, isang construction worker, residente ng Brgy. Aranguel, President Roxas.

Siya ay inaresto ng Roxas City PNP Lunes ng gabi, Hunyo 29, sa bisa ng warrant of arrest.

Ang kaniyang warrant ay ibinaba at nilagdaan ni Alma Banias-Delfin, Presiding Judge, 6th Judicial Region, Branch 15, Roxas City, nitong Hunyo 19.

Php72,000 ang itinakdang pyansa ng korte para sa pansamantalang paglaya ng akusado.

Pansamantalang ikinulong sa Roxas City PNP Station ang akusado bago dinalas sa kaukulang korte.