COOK SINAKSAK NG KAINUMAN SA MAMBUSAO, CAPIZ, PATAY

Patay ang isang cook matapos saksakin ng kaniyang kainuman sa Brgy. Bunga, Mambusao, Capiz dakong alas-10:20 ng gabi nitong Sabado.

Kinilala ang biktima na si Ezekiel Bacusino, 26-anyos, residente ng Brgy. Esperanza, Jamindan, Capiz.

Kinilala naman ang suspek na si Juvy Barquilla, 39, residente ng Brgy. Bunga.

Ayon sa report ng Mambusao PNP, nag-iinuman ang biktima at ang suspek kasama si certain Reynaldo Licanto alyas Ebing nang magkaroon sila ng hindi pagkakaintindihan.

Sinaksak ng suspek ang biktima ng makailang beses na tumama sa iba-ibang bahagi ng katawan nito.

Dinala ang biktima sa Mambusao District Hospital pero dineklara itong dead on arrival.

Arestado naman ang suspek at nakakulong na sa Mambusao PNP Station para sa kaukulang disposisyon.