Dumarao Hospital temporaryong nakasara matapos may nagpositibo sa COVID-19

Pansamantalang nakasara ngayon ang Dumarao Medicare Hospital matapos isa sa mga tauhan nila ang nagpositibo sa COVID-19.

Ayon sa report, ang nagpositibo sa virus ay isang 28-anyos na lalaki na hospital clerk, residente ng Brgy. Calapawan sa nasabing bayan.

Wala umanong travel history ang nasabing pasyente. Posibleng nakuha niya ang sakit sa pamamagitan ng local transmission.

Nabatid na siya ang ika-15 na nagpositibo sa sakit na ito at isa sa apat na mga aktibong kaso sa bayan ng Dumarao.