Ginang at anak na dalaga pinagtataga ng kalive-in partner; dalaga patay

Patay ang isang 16-anyos na dalaga habang malubhang sugatan ang ina nito matapos silangv pagtatagain ng live-in partner ng kaniyang ina.

Naganap ang insidente sa Brgy. Mianay, Sigma, Capiz dakong alas-8:00 ng gabi.

Ayon sa inisyal na impormasyon na nakalap ng Radyo Todo Capiz, putol ang kamay ng dalaga at may tama ng taga sa kaniyang ulo dahilan ng kaniyang pagkamatay.

Patuloy namang ginagamot sa isang pribadong ospital sa Lungsod ng Roxas ang ina nito na si Adalia Abelino.

Kinilala ang suspek na si Gerald Dela Cruz, nasa hustong gulang.

Napag-alaman na umuwi ang suspek na nakainom at nagkaroon sila ng mainit na pagtatalo ng kaniyang kalive-in.

Para makaiwas sa gulo, tinangka ng mag-ina kasama ang apo ng ginang na makatakas subalit sinundan umano sila ng suspek at pinagtataga silang mag-iina.

Tinutugis pa ng kapulisan ang suspek matapos makatakas kasunod ng insidente.