GINANG NAGREKLAMO SA KAPULISAN MATAPOS HINDI NAIBALIK ANG PHP700K NA ININVEST SA ISANG SEAMAN

Nagreklamo sa Roxas City PNP ang isang ginang matapos hindi na naibalik ang ininvest niyang pera na Php700-K sa isang seaman.

Kinilala sa rekord ng kapulisan ang nagrereklamo na si Emily Dela Cruz habang isang Vincent Joy Degala naman ang kaniyang inirereklamo, mga residente ng Brgy. Dayao, sa lungsod na ito.

Ayon sa reklamo ni Dela Cruz, pinakitaan umano sila ng isang negosyo ni Degala na aniya ay isang market trade at mayroon umano silang promo sa mga gustong mag-invest.

Dahil rito ay naengganyo siya at nag-invest ng nasabing halaga kay Degala pero hanggang ngayon ay hindi pa umano naibabalik sa kaniya ang pera.