Isang bar sa Roxas City ang ipinasara ng City Government dahil sa prostitusyon

Isang bar sa Roxas City ang ipinasara ng City Government dahil sa wala itong kaukulang occupancy permit at nagsasagawa ng prostitusyon.

Ang CTV Bar na ito ay makikita sa Arellano Street, Brgy. 3.

Narescue ng kapulisan ang tatlong babae na kinabibilangan ng dalawang menor de edad na ginagawang sex slave sa nasabing bar.

Ang pagpapasara sa naturang bar ay agad iniutos ni Mayor Ronnie Dadivas sa City Licensing Division matapos makarating sa kanya ang mga paglabag ng establisyemento.

“Wala sang sin-oman ang may kinamatarong nga abusuhon ang kababaihan kag paubrahon sang bagay nga indi niya gusto,” pahayag ng alkalde.

Matatandaan na una nang ikinabahala sa Sangguniang Panglungsod ang pagdami ng prostitusyon sa syudad na kinasasangkutan pa umano ng ilang minor.