Kagawad at kapatid arestado matapos gulpihin ang isang driver sa Panay, Capiz

Arestado ang isang 39-anyos na barangay kagawad at kapatid nito matapos gulpuhin ang isang driver sa Brgy. Libon, Panay, Capiz.

Kinilala ang kagawad na si Allan habang ang kapatid nito ay si Alvin Alaban, 35-anyos. Kinilala naman ang driver na si Albert Corros, 38-anyos.

Batay sa report ng Panay PNP, nagmamaneho ng kaniyang motorsiklo ang biktima kasama ang live-in partner na si Carmelie Barba, 46, nang sila ay banggaan at hinambalos ng isang kawayan na nasa 30 pulgada ang haba.

Dahil rito, natumba ang magpartner. Maliban rito, habang papalayo ang mga biktima ay tinarador po umano sila ng mga suspek hanggang sa sila ay makarating sa bahay ng isa nilang tiyuhin.

Nagtamo ng sugat sa katawan ang mga biktima habang duguan si Corros dahil sa paghambalos sa kaniya ng kawayan.

Nabatid na dating alitan sanhi ng insidente.